Raqamli ta'lim texnologiyalarini rivojlantirish markazi

Iqtisodiyot va moliya vazirligi IT yo‘nalishini tamomlayotgan yoki ushbu sohaga qiziqishi bo‘lgan talabalarni “IT Career Event – 2025” tadbirida ishtirok etishga taklif qiladi. Tadbirdan asosiy maqsad bitiruvchi talabalarni bo‘sh ish o‘rinlariga jalb qilish, ularni amaliyotga yo‘naltirish va rag‘batlantirish. 📌 Tadbir doirasida: • IT sohasida kadrlar bilan ishlash bo‘yicha hamkorlik masalalari muhokama qilinadi; • iqtidorli talabalarni vazirlik va uning tarkibiy tuzilmalaridagi IT bo‘limlariga amaliyotga jalb qilish imkoniyatlari taqdim etiladi; • moliya tizimida sun’iy intellekt texnologiyalarini joriy etish bo‘yicha ustuvor yo‘nalishlarda fikr almashiladi. Bundan tashqari, “IT Career Event – 2025” doirasida 3 ta yo‘nalish bo‘yicha tanlov (test sinovlari) o‘tkaziladi: ➡️Software ➡️Hardware ➡️Analytic 🏆 Har bir yo‘nalish bo‘yicha 3 nafar g‘olib aniqlanadi va qimmatbaho sovg‘alar bilan taqdirlanadi: 1️⃣-o‘rin – noutbuk; 2️⃣-o‘rin – smartfon; 3️⃣-o‘rin – smart soat. 📌 Testdan va ro‘yxatdan o‘tish: itc.imv.uz 🗓️ Sana: 2025-yil 7-may, soat 10:00 📍 Manzil: Yoshlar ijod saroyi, Toshkent, Mustaqillik shoh koʻchasi, 2 (Mustaqillik maydoni) Qo‘shimcha maʼlumot uchun: +998900081070 +998977473880 +998971030383

O`zbekiston Respublikasi Prezidentining “Davlat organlari va tashkilotlarining korrupsiyaga qarshi ichki nazorat bo`linmalari mustaqilligini ta’minlash hamda faoliyati samaradorligini oshirish chora-tadbirlari to`g`risida”gi qarori (PQ–147-son, 21.04.2025-y.) mazmun-mohiyatini keng yoritishga qaratilgan ANNOTATSIYA O`zbekiston Respublikasi Prezidentining “Davlat organlari va tashkilotlarining korrupsiyaga qarshi ichki nazorat bo`linmalari mustaqilligini ta`minlash hamda faoliyati samaradorligini oshirish chora-tadbirlari to`g`risida”gi qarori qabul qilindi. Qarorga ko`ra, davlat organlari va tashkilotlari, ustav fondida (ustav kapitalida) davlat ulushi 50 foiz va undan ortiq bo`lgan xo`jalik jamiyatlaridagi korrupsiyaga qarshi ichki nazorat bo`linmalarining ustuvor vazifalari etib quyidagilar belgilandi, jumladan: ü  korrupsiya holatlarini barvaqt aniqlash va ularning oldini olish, ularga imkon beruvchi sabab va shart-sharoitlarni bartaraf etish; ü  davlat xizmatlarini ko`rsatishda korrupsiyaviy omillarni bartaraf etish, maishiy korrupsiyaning oldini olish, shu jumladan, raqamlashtirish, byurokratiyani qisqartirish bo`yicha takliflar ishlab chiqish; ü  idoraviy normativ-huquqiy hujjatlarni korrupsiyaga qarshi ekspertizadan o`tkazish va yakunlari bo`yicha aniqlangan korrupsiyaviy normalarni bekor qilish bo`yicha taklif kiritish. Korrupsiyaga qarshi ichki nazorat bo`linmalari o`z faoliyatida bevosita tashkilotning birinchi rahbariga bo`ysunadi va uning oldida hisobdor bo`ladi. Korrupsiyaga qarshi ichki nazorat bo`linmalarini tashkil etishning minimal mezonlari tasdiqlandi. Qarorga ko`ra, 2027-yil 1-yanvargacha huquqiy eksperiment tariqasida quyidagilarni nazarda tutuvchi tizim joriy etiladi: v  Sog`liqni saqlash vazirligi, Qurilish va uy-joy kommunal xo`jaligi vazirligi, Suv xo`jaligi vazirligi, “O`zbekneftgaz” AJ hamda “O`zsuvta’minot” AJning korrupsiyaga qarshi ichki nazorat bo`linmalari rahbari lavozimiga Korrupsiyaga qarshi kurashish agentligi (Agentlik) xodimlari tayinlanadi; v  eksperiment o`tkaziladigan tashkilotlarning korrupsiyaga qarshi ichki nazorat bo`linmalari rahbarlari bevosita Agentlikka bo`ysunadi;   v  eksperiment o`tkaziladigan tashkilotlarning korrupsiyaga qarshi ichki nazorat bo`linmalari faoliyatini tashkil etish, muvofiqlashtirish va monitoring qilish Agentlik hamda eksperiment o`tkaziladigan tashkilotlar tomonidan birgalikda amalga oshiriladi. Agentlik davlat organlari va tashkilotlarining korrupsiyaga qarshi ichki nazorat bo`linmalari faoliyatini muvofiqlashtirish va uslubiy ta’minlash, ularning xodimlarini stajirovka va attestasiyadan o`tkazish hamda malakasini oshirish bo`yicha maxsus vakolatli organ etib belgilandi. 2025-yil 1-iyulgacha “E-anticor.uz” da ichki nazorat bo`linmalari rahbarlari va xodimlarining elektron reestrini yuritish, hisobotni elektron taqdim etish, anonim so`rovnomalar o`tkazib e’lon qilish imkonini beruvchi elektron modul ishga tushiriladi.

O`zbekiston Respublikasi Prezidentining “Korrupsiyaga qarshi kurashish tizimini yanada takomillashtirish bo`yicha belgilangan ustuvor vazifalar ijrosini samarali tashkil etishga doir chora-tadbirlar to`g`risida”gi Farmoni (PF-71-son, 21.04.2025-y.) mazmun-mohiyatini keng yoritishga qaratilgan ANNOTATSIYA   O`zbekiston Respublikasi Prezidentining “Korrupsiyaga qarshi kurashish tizimini yanada takomillashtirish bo`yicha belgilangan ustuvor vazifalar ijrosini samarali tashkil etishga doir chora-tadbirlar to`g`risida”gi Farmoni imzolandi. Farmonga ko`ra, Korrupsiyaga qarshi kurashish bo`yicha milliy kengashning 2025-yil 5-martda o`tkazilgan kengaytirilgan yig`ilishida belgilangan topshiriqlar ijrosini ta`minlash bo`yicha ishlab chiqiladigan normativ-huquqiy hujjatlar ro`yxati va amaliy chora-tadbirlar dasturi tasdiqlandi. Korrupsiya va jinoyatchilikka qarshi kurashishda parlamentning rolini tubdan oshirish maqsadida Oliy Majlis palatalariga quyidagilar tavsiya etildi: – har yili byudjetdan eng ko`p mablag` oladigan uchta vazirlik va idorada korrupsiyaviy omillarni aniqlab, ularni bartaraf etish bo`yicha takliflar kiritish; – vazir va hokimlar lavozimiga nomzodlar tegishlicha Oliy Majlis Qonunchilik palatasi va xalq deputatlari kengashlarida ko`rib chiqilayotganda ular tomonidan korrupsiyaning oldini olish bo`yicha aniq reja himoya qilinishiga oid tartibni qonun hujjatlarida belgilash; – xalqaro tajribani o`rganib, kibermakonda korrupsiyaga qarshi samarali kurashish bo`yicha mustahkam huquqiy baza yaratish yuzasidan takliflarni ishlab chiqish; – ishchi guruh tuzib “jinoyatchilikka qarshi kurashish haftaligi”da har oyning 1–5 sanalarida “qizil” toifadagi mahallalarda jinoyatlarning kelib chiqish sabablarini chuqur tahlil qilish; – hududiy prokurorlar va ichki ishlar organlari boshliqlari faoliyati samaradorligini oshirish bo`yicha tavsiyalar berish hamda xalqchil tashabbuslar asosida qonunlarni takomillashtirish bo`yicha takliflar ishlab chiqish. Farmonga ko`ra, Iqtisodiyotda korrupsiyaviy omillarning oldini olish maqsadida: ·        davlat xaridlarida sotib olinadigan tovar va xizmatlar narxi hamda uning o`rtacha bozor narxi o`rtasidagi tafovutning eng ko`p yo`l qo`yiladigan chegarasidan chetga chiqqan holda xaridlarni amalga oshirgan mansabdor shaxslar javobgarlikka tortiladi; ·        2025-yilning 1-iyulidan yirik investisiya loyihalarida korrupsiyaga qarshi xalqaro standartlar hamda yirik auksion shartlarini raqobatbardoshlik ekspertizasidan o`tkazish tartibi joriy etiladi; ·        “Shaffof qurilish” milliy axborot tizimi qamrovi yanada oshirilib, bosqichma-bosqich xalqaro tashkilotlar ishtirokidagi loyihalarga joriy qilinadi.  2025-yil yakunicha: ➖ xalqaro tender obyektlari bo`yicha subpudratchilar “SHaffof qurilish” tizimi orqali jalb qilinadi; ➖ qiymati 2 mln AQSH dollarigacha bo`lgan xalqaro moliya tashkilotlar hisobidan moliyalashtiriladigan mahalliy tenderlar “Shaffof qurilish” tizimida o`tkaziladi; ➖ xalqaro tenderlar bo`yicha jalb qilingan chet el pudrat tashkilotlari shartnoma qiymatining kamida 60 foizini o`z kuchi bilan bajarish tartibi joriy etiladi. 2026-yil 1-yanvargacha vazirlik va idoralar, mahalliy hokimliklar tomonidan ko`rsatiladigan barcha davlat xizmatlarini tuman (shahar) kesimida aholining o`zi baholaydigan tizim joriy etiladi. Bunda aholi tomonidan “qoniqarsiz” deb baholangan vazirlik, idora rahbarlari hamda tuman (shahar) hokimlari shaxsiy javobgarligi belgilanadi. Sun`iy intellekt asosida aholining kundalik hayotida uchraydigan savollariga mobil telefon orqali sodda va qulay shaklda javob olish imkoniyatini beradigan onlayn platforma ishga tushiriladi.