Yangiliklar

2022-yil 17—18-oktabr kunlari Toshkent davlat o`zbek tili va adabiyoti universitetida O`zbek tili va adabiyoti bo`yicha xalqaro onlayn olimpiada bo`lib o`tadi.Unda mamlakatimiz oliy ta’lim muassasalarida tahsil olayotgan xorijlik talabalar, xorijdagi oliy o`quv yurtlarida o`qiyotgan talabalar qatnashishi mumkin.Xalqaro olimpiada jamoalari tarkibi 4 nafargacha ishtirokchi va 1 nafar jamoa rahbaridan iborat bo`ladi.Olimpiada ikki turda o`tkaziladi va mazkur ikki tur uchun jami 100 ball olish mumkin, bular:1️⃣ ijodiy yozma ish tayyorlash (rasmlar tavsifi) – 50 ball;2️⃣ suhbat - 50 ball.Olimpiada g`oliblari va ishtirokchilari xalqaro darajadagi sertifikatlar bilan taqdirlanadilar.Xalqaro olimpiada ishtirokchilarini ro`yxatga olish 15-oktabrigacha http://uzbektili.edu.uz sayti orqali amalga oshiriladi.

Xabaringiz bor, oliy ta’lim tizimi jarayonlari raqamlashtirilib, abituriyentlar va talabalarga qulay sharoit yaratish ishlari qizg`in davom etmoqda.Jumladan, oliy ta’lim muassasasini tugatganlik to`g`risidagi diplom ma’lumotlarini elektron shaklda olish uchun diplom.edu.uz axborot tizimi ishlab chiqildi. Tizim quyidagi jarayonlarni o`z ichiga oladi: ✅ bitiruvchilarning diplom ma’lumotlari kiritiladi va tasdiqlanadi;✅  diplom ma’lumotlari mavjud bo`lmaganda bitiruvchilar Yagona identifikatsiya tizimi – OneID orqali ro`yxatdan o`tib, ma’lumotlarni kiritadi. Oliygoh esa diplom ma’lumotlari to`g`riligini tasdiqlaydi.Platforma boshqa davlat idoralari axborot tizimlari bilan integratsiya qilingan. Bunda ma’lumotlar avtomatik tarzda shakllanadi va diplom ma’lumotlarini kiritish talab etilmaydi.

Oliy va o`rta maxsus ta`lim vaziri o`rinbosari Sarvarxon Buzrukxonov rahbarligida birinchi va moliya-iqtisod ishlari bo`yicha prorektorlar ishtirokida bo`lib o`tgan videoselektor yig`ilishda oliy ta`lim muassasalarining yangi o`quv yiliga tayyorgarlik holati tahlil qilindi.Shundan so`ng talabalarni yotoqxonaga joylashtirishning elektron tizimi (ttj.edu.uz) hamda talabalarni ijara uylari bilan ta`minlashga ko`maklashish maqsadida yagona elektron platforma (ijara.edu.uz) ishga tushirilganligi e`lon qilindi. Ushbu axborot tizimlarining ishlash mexanizmi, jumladan, imkoniyati va afzalliklari haqida ma`lumot berilib, platformalarning taqdimoti o`tkazildi.Keyingi masala “Mustaqillik darslari” va “Axborot va murabbiylik” soatini sifatli va yuqori saviyada tashkil etish bo`ldi.O`tgan o`quv yili mobaynida o`tkazilgan ma`naviy-ma`rifiy tadbirlarda talabalarning qamrov darajasi qoniqarsizligi to`xtalinib, bitta tadbirda 10 minglik kontingentdan oshib borsa, 200 nafar, ya`ni bor-yo`g`i 2 foiz talaba qatnashgani tanqid qilindi.Shu bois, 2022/2023-o`quv yili boshidan “Axborot va murabbiylik soatlari”ni samarali tashkil etish yuzasidan yangi tizim joriy etilishi, bu orqali ushbu masalaga jiddiy e`tibor qaratilishi ta`kidlandi.

Ma’lumki, Oliy va o`rta maxsus ta’lim vazirligi tizimida barcha jarayonlar raqamlashtirilib, abituriyentlar va talabalarga qulay sharoitlar yaratilmoqda.Endilikda, birinchi bosqichga tavsiya etilgan talabalar ham yangi o`quv yilining birinchi kunidan boshlab to`lov-shartnomalarni elektron shaklda, ortiqcha ovoragarchiliklarsiz onlayn olishlari mumkin.Buning uchun vazirlikning kontrakt.edu.uz platformasidan foydalangan holda shartnomani osongina yuklab olish talab etiladi.Shuningdek, belgilangan o`tish balini to`play olmagan, ammo tabaqalashtirilgan to`lov-shartnoma asosida o`qish istagini bildirgan talabgorlar uchun ham kontrakt.edu.uz platformasi orqali onlayn ariza berish va shartnomani onlayn rasmiylashtirishga yangi o`quv yilining birinchi kunidan boshlab imkoniyat beriladi.Platforma orqali ariza berish hamda shartnomani rasmiylashtirish jarayonlarini masofaviy amalga oshirish tartibi va muddatlari bo`yicha batafsil ma’lumot beriladi.2022-yil 5-sentabrdan boshlab barcha bosqich talabalari (bakalavr, magistr, superkontrakt) to`lov-shartnomani onlayn yuklab, to`lovni amalga oshirishlari mumkin.

2022/2023-o`quv yili uchun respublika oliy ta`lim muassasalari tasarrufidagi akademik litseylarga kirish imtihonlarining YAKUNIY NATIJALARI (mandat) e`lon qilindi.Yakuniy natijalarni vazirlikning litsey.edu.uz rasmiy veb-sayti orqali bilishingiz mumkin.Abituriyent to`plagan bali asosida ustuvorlik bo`yicha tanlagan akademik litseyga o`qishga qabul qilinadi. Abituriyentning to`plagan bali ustuvorlik asosida:➖ u tanlagan birinchi akademik litseyning yo`nalishi bo`yicha o`qishga qabul qilishga yetarli bo`lsa, uning kirish test sinovi natijalari ushbu litsey yo`nalishida e’lon qilinadi. ❗️Bunda abituriyentga tanlagan ikkinchi va uchinchi akademik litsey yo`nalishi bo`yicha tanlovda ishtirok etishga ruxsat etilmaydi;➖ u tanlagan birinchi akademik litsey yo`nalishi bo`yicha o`qishga qabul qilishga yetarli bo`lmay, u tanlagan ikkinchi litsey yo`nalishi bo`yicha o`qishga qabul qilishga yetarli bo`lsa, uning kirish test sinovi natijalari ushbu ikkinchi akademik litsey yo`nalishida e’lon qilinadi. ❗️Bunda abituriyentga tanlagan uchinchi akademik litsey yo`nalishi bo`yicha tanlovda ishtirok etishga ruxsat etilmaydi;➖ u tanlagan birinchi va ikkinchi akademik litseyning yo`nalishi bo`yicha o`qishga qabul qilishga yetarli bo`lmay, u tanlagan uchinchi litsey yo`nalishi bo`yicha o`qishga qabul qilishga yetarli bo`lsa, uning kirish test sinovi natijalari faqat uchinchi litsey yo`nalishida e’lon qilinadi;➖ u tanlagan birinchi, ikkinchi va uchinchi akademik litsey yo`nalishi bo`yicha o`qishga qabul qilishga yetarli bo`lmagan taqdirda, uning kirish test sinovi natijalari birinchi tanlagan litsey yo`nalishida e’lon qilinadi.

2022/2023-o`quv yili uchun davlat oliy ta’lim muassasalarining magistratura mutaxassisliklariga qabul bo`yicha magistr.edu.uz elektron tizimi orqali onlayn ro`yxatdan o`tgan 10 031 nafar fuqaroning arizalari to`liq ko`rib chiqildi.Jami qabul qilingan arizalar soni 5219 tani tashkil qildi.Shundan:- xorijiy til sertifikatiga egalar — 4582 ta; 637 ta talabgor esa tanlovda ishtirok etmasdan imtiyozga ega bo`lganlar. Bular: - davlat stipendiantlari — 296 ta;- kimyo, biologiya va informatika yo`nalishlari bo`yicha imtiyozli diplom egalari — 159 ta;- kimyo, biologiya, fizika va informatika fan olimpiadalari g`oliblari — 12 ta;   - ko`zi ojizlar toifasiga kiruvchi a’lo baholarga o`qigan bitiruvchilar — 170 ta.Talabgorlar magistratura qabul natijalarini magistr.edu.uz platformasidagi shaxsiy kabineti orqali bilib olishlari mumkin.

2022/2023-o`quv yili uchun davlat oliy ta’lim muassasalariga  ikkinchi oliy ta’limga qabul bo`yicha vazirlikning ikkinchitalim.edu.uz elektron tizimi orqali onlayn ro`yxatdan o`tgan fuqarolarning arizalari ko`rib chiqildi. Ammo ayrim arizalar ma’lum bir sabablarga ko`ra rad etildi.Rad etilgan arizalarni tahrirlash uchun 23-avgust kuni soat 18:00 ga qadar so`nggi imkoniyat beriladi. Ushbu muddatdan so`ng tahrirlashga yo`l qo`yilmaydi va kamchiliklar  bartaraf etilmagan arizalar ko`rib chiqilmaydi. Ro`yxatdan o`tgan barcha talabalardan o`zlarining shaxsiy kabinetlariga kirib, arizalarining ko`rib chiqilish holatini doimiy kuzatib borishlari so`raladi.

 Xabar berganimizdek, akademik litseylarga kirish test sinovlari 2022-yil 22-avgust kuni Davlat test markazi tomonidan maxsus belgilangan hududlarda o`tkaziladi.Test sinovlari bir smenada o`tkazilib, soat 8:00 boshlanadi.Akademik litseylarda 1-bosqich dastlabki yozma imtihonlardan muvaffaqiyatli o`tgan o`quvchilar quyidagi tartibda test sinovlariga kirish ruxsatnomasini:➖litsey.edu.uz  saytidagi shaxsiy kabinetiga o`zining login va paroli bilan kirgan holda yuklab olishi;➖yoki hujjat topshirgan akademik litseydan ham bevosita borib olishlari mumkin.Test sinovlari ta’lim yo`nalishiga mos 2 ta fan va intellektual qobiliyat darajasi (IQ) ni aniqlash bo`yicha o`tkaziladi. Bunda talabgorlarga har bir fandan 20 tadan jami 60 ta test topshirig`i va ularni bajarish uchun javoblar varaqasini to`ldirish bilan birga 110 daqiqa vaqt ajratiladi.Test sinovlarida to`plash mumkin bo`lgan maksimal ball – 146 ball bo`lib, ta’lim yo`nalishiga mos fanlar bo`yicha har bir to`g`ri javob uchun  3,1 balldan (jami 124 ball), intellektual qobiliyat darajasi (IQ) ni aniqlash bo`yicha esa 1,1 balldan (jami 22 ball) beriladi.Talabgorlardan test sinovi o`tkaziladigan hududga belgilangan vaqtdan kamida 1 soat oldin shaxsini tasdiqlovchi hujjat va test sinovida ishtirok etish uchun ruxsatnoma bilan kelishlari so`raladi.

Prezident tomonidan “Davlat fuqarolik xizmati to`g`risida”gi Qonun (O`RQ–788-son, 08.08.2022-y.) imzolandi. Qonun 10 ta bob va 64 ta moddadan iborat bo`lib, vazirlik va idoralar mutaxassislari, xorijiy ekspertlar va jamoatchilik vakillari ishtirokida tayyorlandi.Mazkur qonun davlat organlari va tashkilotlaridagi 118 mingdan ortiq davlat fuqarolik xizmatchilarining faoliyati bilan bog`liq barcha munosabatlarni yagona qoidalar asosida tartibga soladi.Qonunga ko`ra:Davlat xizmatchisi tadbirkorlik bilan shug`ullanishi, ularning muassisi bo`lishi, O`zbekistondan tashqarida hisobvaraqlar ochishi, chet elda ko`chmas mulk olishi taqiqlanadi.Davlat xizmachisi daromadlari va mol-mulki to`g`risida deklaratsiya berishi kerak.Davlat xizmatchilari uchun 5 kunlik ish haftasi va haftasiga 40 soatdan oshmaydigan ish davomiyligi belgilanadi.Davlat xizmatchilariga 27 kundan kam bo`lmagan yillik asosiy ta`til beriladi.