Yangiliklar

Abituriyentlar va ularning ustozlari uchun ajoyib Telegram-bot! Keyingi o`quv yiliga qabul yaqinlashgani sari fuqarolar, xususan abiturientlar va ularning ustozlarini ayni savollar juda ko`p qiynaydi. O`tgan yili o`tish bali necha bo`lgan? Yo`nalishlar bo`yicha-chi? Balim yetadigan yo`nalishni qanday topsam bo`ladi? Men tanlagan yo`nalishda o`zi qaysi fanlardan imtihon bo`ladi? Endi yuqoridagi savollarga oson javob olishingiz mumkin. Xo`sh, nima qilish kerak? 1. Avvalo, @Mandat_2022bot’ga kiring; 2. O`zingizga kerakli bo`limni tanlang; 3. To`liq ma`lumotga ega bo`ling. Tanlagan sohangizga mos yo`nalishlar haqida to`liq ma`lumot oling. Zero, to`g`ri tanlov muvaffaqiyat garovidir. Eslatma: Bot imkoniyatlari cheksiz! @Mandat_2022bot orqali 2021/2022 o`quv yilida Davlat test markazi tomonidan o`tkazilgan kirish imtihonlari natijalarini o`zingizga qulay shaklda (ballar, yo`nalishlar, oliygohlar kesimida) olishingiz mumkin. @mandat_2022bot Botdan foydalanish mutlaqo bepul!

2022-yil 1-apreldan boshlab O‘zbekistonda xorijiy investorlar, IT-kompaniyalar ta’sischilari va IT-mutaxassislari uchun xorijiy fuqarolarning Respublikada bo‘lish muddatini soddalashtiradigan IT-Viza berilishi boshlanadi. Your browser does not support the video tag. Axborot texnologiyalari sohasida xorijlik mutaxassislar uchun yaratilgan barcha sharoitlar haqida batafsil maʼlumotni videoda koʻring. Bizning sahifalar

Taʼlim muassasalarini tugatganda yoki oʻqishni bir taʼlim muassasasidan boshqasiga koʻchirganda aylanma varaqani toʻldirish amaliyoti bekor qilinib “HEMIS” axborot tizimi orqali amalga oshiriladi. Bunda: 1) Talaba o'z profili orqali elektron aylanma varaqasini olish uchun so’rov jo’natish imkoniyatiga ega bo'ladi; 2) Oliy taʼlim muassasasidagi buxgaltegriya va kadrlar boʻlimi, fakultet dekanati, axborot resurs markazi hamda yotoqxona masʼullari tomonidan talabaning elektron aylanma varaqasi shakllantiriladi; 3) Talaba o’z profili orqali shakllantirilgan aylanma varaqa va unga kiritilgan izohlar bilan tanishish imkoniyatiga ega bo'ladi.

Vazir А.Toshqulov olib borgan onlayn formatdagi yigʼilishda tizimdagi 3400 dan ortiq masʼullar, xususan, OTM rektor va filial direktorlari, prorektorlar, ilmiy tadqiqot va innovatsiyalar boʼlimi (boshqarma) boshliqlari, fakultet dekanlari, kafedra mudirlari ishtirok etdi. Unda 2021 yilda ilmiy sohada olib borilgan ishlar natijasi, jumladan, ilmiy yutuqlar va kamchiliklar tahliliy-tanqidiy muhokama qilindi. Shuningdek, sohani yangi bosqichga olib chiqish boʼyicha takliflar oʼrtaga tashlanib, oʼzaro fikr almashildi.  Dastlab vazir davlatimiz rahbari hamda hukumat tomonidan ilm-fan va innovatsiyalarni rivojlantirish boʼyicha belgilab berilgan topshiriqlarning bajarilish holatini tahlil qilib va oʼtgan vaqt mobaynida erishilgan yutuqlarga toʼxtalib oʼtdi. Soʼnggi 3 yilda ilmiy darajali pedagoglar ulushi respublika boʼyicha 37,2 foizdan 39,3 foizga oʼsdi.   2021 yilda 204 ta fan doktori (DSc), 1521 ta falsafa doktori (PhD) himoyasi boʼldi. Bunda himoyalar boʼyicha 2020 yilga nisbatan oʼsish tegishincha 21% va 44% oshganligini koʼrsatmoqda.   Bugungi kunda, respublikaning 11 ta oliy taʼlim muassasasida ilmiy salohiyat 50 foizdan yuqori.   Jumladan, 2021 yil va 2022 yilning oʼtgan davrida Oʼzbekiston milliy universiteti – 163 ta, Toshkent davlat pedagogika universiteti – 127 ta, Samarqand davlat universiteti - 98 ta, Buxoro davlat tibbiyot instituti – 71 ta, Termiz davlat universiteti – 66 ta, Toshkent moliya instituti – 65 ta dissertatsiyalar himoyalari oʼtkazilgan. Shuningdek, yigʼilishda erishilgan natijalar bilan bir qatorda ayrim oliy taʼlim muassasalari masʼullarining sohadagi sustkashliklari hamda yoʼl qoʼygan kamchiliklari ham tanqid qilindi. Jumladan:  Vazirlik topshiriqlari ijrosi yuzasidan 2021 yildagi ilmiy ishlar va innovatsiyalar boʼyicha prorektorlar faoliyati natijalari 7 ta mezon asosida tahlil qilinganda, 23 ta OTM ilmiy ishlar, innovatsiyalar hamda xalqaro hamkorlik boʼyicha prorektorlar oʼz vazifasiga jiddiy yondashmaganligi, masʼuliyatsizlik qilganligi, bu borada birorta ham oliy taʼlim muassasani namuna sifatida koʼrsatib boʼlmasligi afsus bilan tilga olindi.   Eng kam dissertatsiya himoyalari boʼlgan oliy taʼlim muassasalari sifatida Аndijon mashinasozlik instituti (12 ta), Samarqand veterinariya meditsinasi instituti (12 ta), Oʼzbekiston davlat konservatoriyasi (4 ta), Oʼzbekiston davlat sanʼat va madaniyat instituti (3 ta) sanab oʼtildi.  Bundan tashqari, 2021 yilda oliy taʼlim muassasalari uchun davlat byudjetidan ajratilgan mablagʼlarni samarali oʼzlashtirilmagani tanqid qilindi.  – Shu narsaga amin boʼlyapmizki, shu oliy taʼlim muassasalari davlat byudjetidan ajratilgan mablagʼlarni samarali oʼzlashtirmagani uchun ham ularda ilmiy salohiyat past, – dedi А.Toshqulov. Jizzax politexnika instituti (17,6%), Nukus davlat pedagogika instituti (16,6 %), Milliy rassomlik va dizayn instituti (15,4%), Oʼzbekiston davlat jismoniy tarbiya va sport universiteti (12,5%), Chirchiq davlat pedagogika instituti (2,8%)da esa oʼz muddatida himoya qilish koʼrsatkichi oʼrtacha 20% dan past ekanligi tanqid qilindi. OTMda 2021 yilda «Scopus» xalqaro ilmiy-texnik maʼlumotlar bazasidagi ilmiy jurnallarda chop etilgan maqolalar soni 100 nafar professor-oʼqituvchilarga nisbatan tahlil qilinganda bu koʼrsatkich oʼrtacha 6,5 ni tashkil etgan.  Bunda, 4 ta (Oʼzbekiston davlat jahon tillari universiteti – 0,9; Аndijon davlat tibbiyot instituti – 0,7; Samarqand iqtisodiyot va servis instituti – 0,5; Nukus davlat pedagogika instituti – 0,4) oliy taʼlim muassasasida bu koʼrsatkich 1 ga ham yetmasligi alohida taʼkidlandi.   Eng achinarlisi, 64 ta oliy taʼlim muassasasida «Scopus» xalqaro ilmiy-texnik maʼlumotlar bazasidagi ilmiy jurnallarda birorta ham maqola chop etilmagan.   32 ta oliy taʼlim muassasalari va filiallarda davlat dasturi doirasidagi ilmiy loyihalardan moliyaviy tushumlar boʼlmagan hamda 27 ta oliy taʼlim muassasasida 2021 yil davomida birorta ham xoʼjalik shartnomalar bajarilmagan.  Shundan soʼng soʼzga chiqqan vazirning fan va innovitsiyalar boʼyicha oʼrinbosari R.Hakimov 2022 yilda doktoranturaga qabul kvotasi soni 2021 yilga nisbatan 100 foizga oshirilib, oliy taʼlim muassasalarida jami 2784 ta (2604 ta PhD, 180 ta DSc) hamda stajyor-tadqiqotchilikka 360 ta kvota ajratilgani haqida maʼlumot berdi. Qayd etilganidek, 2021 yilda «Scopus» xalqaro ilmiy-texnik maʼlumotlar bazasidagi ilmiy jurnallarda jami 4361 ta maqola chop etilgan. Аmmo shundan 972 ta (22%) ilmiy maqola indeksatsiya qilinmagan, yaʼni yirtqich (xishnik) jurnallarda chop etilgan.   Shuningdek, yigʼilish davomida barcha hududlarda ilmiy tadqiqot bilan shugʼullanayotganlarni turar-joylar bilan taʼminlash, ilmiy faoliyat bilan mashgʼul yoshlarni munosib ragʼbatlantirish mexnizmini ishlab chiqish, rektorlar har chorakda kamida bir marotaba shaxsan doktorantlar bilan yuzma-yuz uchrashib, ular muammolarini hal qilish tizimini yoʼlga qoʼyish takliflari bildirildi.  Ilmiy ishlanmalarni tijoratlashtirish orqali ilmiy salohiyatni oshirish mumkinligi alohida taʼkidlandi.  Yigʼilish yakunida barcha masʼullarga koʼtarilgan masalalar boʼyicha amalga oshiriladigan aniq vazifa va topshiriqlar belgilab berildi.   Bundan buyon yiliga 2 marotaba ana shunday formatda yigʼilib, natijalar boʼyicha OTM rahbarlari faoliyatiga baho beriladi va ular uchun zarur xulosalar chiqariladi.

Bugun, 14 mart soat 16:00 da Oliy va oʼrta maxsus taʼlim vaziri Аbduqodir Toshqulov rahbarligida oliy taʼlim tizimida ilm-fan va innovatsiyalarni rivojlantirishning dolzarb masalalariga bagʼishlangan navbatdagi kengaytirilgan Hayʼat yigʼilishi oʼtkaziladi. Unda: Oʼzbekiston Respublikasi oliy taʼlim tizimini 2030-yilgacha rivojlantirish hamda Ilm-fanni 2030-yilgacha rivojlantirish kontseptsiyalarida belgilangan vazifalar ijrosi; OTMning ilmiy salohiyatini oshirish boʼyicha amalga oshirilgan ishlar; OTMda dissertatsiya himoyalari koʼrsatkichi; doktorantura sohasida olib borilgan ishlar; ilmiy darajalar beruvchi ilmiy kengashlar faoliyati; ilmiy jurnallarni “Scopus” bazasiga kiritish; ilmiy loyihalar va boshqa turli masalalar muhokama qilinadi. Yigʼilishda OTM rektor va filial direktorlari, prorektorlar, ilmiy tadqiqot va innovatsiyalar boʼlimi (boshqarma) boshliqlari, fakulьtet dekanlari, kafedra mudirlari ishtirok etadi.

Maʼlumki ayollarni ijtimoiy-siyosiy qoʼllab-quvvatlash, ularning huquqiy manfaatlarini himoya qilish maqsadida barcha oliy va professional taʼlim muassasalari hamda akademik litseylarda Xotin-qizlar maslahat kengashlari faoliyat koʼrsatmoqda. Bugun, Oliy va oʼrta maxsus taʼlim vazirligida tizimda faoliyat yuritayotgan 28 nafar eng faol, fidoiy Xotin-qizlar maslahat kengashlari raisi Oliy va oʼrta maxsus taʼlim vazirining “Faxriy yorligʼi” hamda esdalik sovgʼalari bilan taqdirlandi. Tadbirni ochib bergan vazirning birinchi oʼrinbosari Komiljon Karimov soha rivojida ayol hamkasblarning oʼrni beqiyosligi, yil sayin ularning soni va salmogʼi oshib borayotganligini taʼkidladi. Qayd etilganidek, vazirlik tizimida mehnat qilayotgan xodimlarning 41 foizini xotin-qizlar tashkil etadi. Shuningdek, ayni paytda tizimda xotin-qizlar orasida 698 nafar fan doktori (DSc), 3599 nafar falsafa doktori (PhD) faoliyat olib bormoqda.  

Turizm va madaniy meros vazirligi tomonidan Navroʼz bayrami munosabati bilan 2022-yil 19-20-21-22-23-mart kunlari aholining dam olish kunlarini maroqli tashkil etish hamda ichki turizm yoʼnalishida sayohatlarga jalb qilish maqsadida respublika boʼylab quyidagi chegirmalar joriy qilindi. 1. “Uzbekistan Airways” АJ tomonidan Respublika aholisi uchun ichki respublikalararo qatnovlarga barcha turdagi tariflarga 50 foiz chegirma joriy qilindi. 2. “Oʼzbekiston temir yoʼllari” АJ tomonidan respublikaning barcha ichki qatnovlari uchun: - oliy oʼquv yurtlari talabalari, maktab oʼquvchilari, kollej va litsey talabalari, IIV, MV, DXX, DSQ va DBX maxsus taʼlim muassasalari talabalari uchun – 15 foiz; - kollektiv (hamkasblarga) guruhdagilar uchun – 15 foiz; - «Аfrosiyob» tezyurar elektropoezdlarida barcha toifadagi yoʼlovchilar uchun - 10 foiz chegirmalar joriy qilindi.

Xabaringiz bor, vazir Abduqodir Toshqulov Qoraqalpogʻiston Respublikasiga xizmat safari davomida oliy taʼlim muassasalarida yaratilgan shart-sharoitlar bilan yaqindan tanishgan edi. Shu jumladan, vazir Nukus davlat pedagogika institutida boʻlib, yoshlarning mutolaa madaniyatini oshirish maqsadida axborot-resurs markazini dunyoga mashhur adabiyotlar bilan boyitish boʻyicha topshiriqlar bergan edi. Ushbu topshiriqning amaliy natijasi oʻlaroq, institut ARM fondi inson hayotiga kerak boʻladigan 100 ta kitob va Nobel mukofotiga tavsiya qilish uchun adabiyotlar roʻyxatidan joy olgan 214 nomdagi 1500 dan ortiq adabiy kitoblar bilan boyitildi. Қарақалпақша

Xabar berganimizdek, bugun Oliy va oʼrta maxsus taʼlim vazirligida tayanch doktorantlar (PhD) uchun Oʼzbekiston Respublikasi Prezidenti davlat stipendiyasi tanlovining saralash va yakuniy bosqichlari boʼlib oʼtdi. Yetakchi olimlar va mutaxassislardan iborat tarkibda tuzilgan maxsus tanlov komissiyasi 6 ta mezon asosida tanlov gʼoliblarini aniqlab berdi. Yakuniy bosqich natijalariga koʼra, 2021/2022 oʼquv yili uchun 5 ta yoʼnalish boʼyicha 10 nafar tayanch doktorant Oʼzbekiston Respublikasi Prezidenti davlat stipendiyasi sohibi deb topildi.