Batafsil
OʻZBEKISTON XALQ SHOIRI ZULFIYA ISROILOVA 1915-YILNING 1-MARTIDA TOSHKENT SHAHRIDA TUGʻILGAN
March 01, 2022
Bahor seni izlab, kezdi sarsari...
Shoira mehnat faoliyatini juda erta boshlagan. U 1935-1938-yillarda Til va adabiyot instituti aspiranti, 1938-1948-yillarda “Bolalar” nashriyoti muharriri, Oʻzbekiston davlat nashriyoti boʻlim mudiri, 1953-yilgacha “Saodat” jurnalida boʻlim mudiri, 1953-yildan to 1980-yilga qadar salkam oʻttiz yil davomida shu jurnalning bosh muharriri lavozimida ishlab keldi.
Afsonaviy oʻzbek shoiri Hamid Olimjonning turmush oʻrtogʻi, hassos sheʼriyati bilan millionlab chin soʻz sehriga shaydo qalblarni maftun etgan shoira 1996-yilning 1-avgustida vafot etdi.
Turmush sinovlari va adabiyot osmonida kechgan shoiraning hayot yoʻli kelgusi avlodlar uchun chinakam sadoqat va vafo timsoli boʻlib qolaveradi.
Ma'lumot o‘rnida, 1999-yil 10-iyunda “Zulfiya nomidagi Davlat mukofoti” ta'sis etilgan.