Yangiliklar

Hukumat qaroriga (https://lex.uz/docs/-5818575) asosan texnikumlarni muvaffaqiyatli tamomlagan bitiruvchilarni suhbat asosida oliy ta’lim muassasalari bakalavriatiga 2-kursdan o`qishga qabul qilish tartibi belgilangan. Ushbu toifadagi abituriyentlar 2022-yil 5-iyuldan boshlab Oliy va o`rta maxsus ta’lim vazirligining suhbat.edu.uz elektron platformasi orqali onlayn ro`yxatdan o`tkazilmoqda. Ro`yxatdan o`tishda abituriyent to`g`risidagi ma’lumotlar elektron platformada avtomatik shakllanadi. Ro`yxatdan o`tkazish jarayoni joriy yilning 25-iyuliga qadar davom etadi. O`z sohasiga mos bakalavriat ta`lim yo`nalishlari ro`yxatini  yuklab olish.

Unda siz uchun eng muhim quyidagi ma`lumotlarni oson topishingiz mumkin.BAKALAVR: Fanlar majmuasi—2022; Qabul kvotalari—2022 (kunduzgi, kechki, sirtqi, masofaviy); O`tish ballari—2021 (hududlar, yo`nalishlar kesimida).MAGISTRATURA: Fanlar majmuasi—2022; Qabul kvotalari—2022 O`tish ballari—2021 (OTM kesimida).Shuningdek:Xorijiy hamda nodavlat OTMdan o`qishni ko`chirish bo`yicha 2022-yil uchun o`tish ballari;Professional ta`lim muassasalari va akademik litseylar haqida ma`lumot, ularga 2022/2023-o`quv yilida o`qishga qabul qilish bo`yicha qabul kvotalari va fanlar majmuasini bilishingiz mumkin.

2022-yil 1-iyuldan respublika OTM magistratura mutaxassisliklariga qabul qilish uchun hujjatlarni onlayn ro`yxatdan o`tkazish jarayoni boshlandi. 2022/2023-o`quv yili uchun davlat OTMning magistratura mutaxassisliklariga o`qishga kirish uchun hujjatlarni topshirish jarayoni vazirlikning rasmiy http://magistr.edu.uz veb-sayti orqali 30-iyulga qadar (shu kuni ham) davom etadi. Eslatib o`tamiz, 2022/2023-o`quv yilidan boshlab magistraturaga qabul abituriyentning bakalavriat diplom bali o`rtacha ko`rsatkichi hamda xorijiy tilni bilish darajasi bo`yicha tegishli milliy yoki xalqaro sertifikat bali asosida, ballar ketma-ketligiga qat`iy rioya qilgan holda amalga oshiriladi. Qo`shimcha imtihon o`tkazilmaydi.Shu o`rinda, magistratura mutaxassisliklari hamda oliy ta`limdan keyingi ta`lim ixtisosliklariga tanlovlarda milliy yoki unga mos darajadagi xalqaro sertifikatga ega shaxslar ishtirok etishi mumkin bo`ladi.

2022/2023-o`quv yili uchun Oliy va o`rta maxsus ta`lim vazirining buyrug`iga muvofiq 330 ta kasb-hunar maktabiga jami 78 ming 490 ta qabul parametrlari tasdiqlandi. Shundan, 75 470 ta o`zbek, 930 ta rus va 2090 ta qoraqalpoq tili guruhlari uchun belgilandi. Ma`lumot uchun, kasb-hunar maktablarida o`qish to`liq davlat byudjeti hisobidan amalga oshiriladi.Yuklab oling!

 100 dan ortiq kasblardan birini egallash istagida bo`lgan, joriy yil  9-sinf bitiruvchilarining hujjatlari kasb.edu.uz elektron platformasi orqali 2022-yilning 1-iyul kunidan 20-iyul (shu kuni ham) kuniga qadar onlayn qabul qilinadi.▪️Platformaga: tug`ilganlik haqidagi guvohnoma yoki ID karta ma`lumotlari; 3x4 hajmidagi fotosurat kiritiladi. Ma`lumot o`rnida, bugungi kunda respublikamizda 330 ta kasb-hunar maktablari faoliyat ko`rsatmoqda.

Oliy va o`rta maxsus ta`lim vazirligi bayram bilan barcha yoshlarni tabriklaydi! Yana birozdan keyin poytaxtimizda sana munosabati bilan tantanali marosim bo`lib o`tadi.Unda Prezident Shavkat Mirziyoyev ishtirok etishi va nutq so`zlashi kutilmoqda.

Oliy va o`rta maxsus ta`lim vazirining buyrug`i bilan 11 ta kasb-hunar maktabi va 1 ta texnikumga direktor tayinlandi.Ular bilan quyidagi havola orqali tanishing

    Avval xabar berganimizdek “Kimyo”, “Biologiya”, “Fizika” va “Informatika va axborot texnologiyalari” fanlaridan respublika fan olimpiadasiga hujjat qabul qilindi.     2022 yil 24 iyun kuni olimpiada imtihonlari bo`lib o`tadi.    Respublika fan olimpiadalari bo`lib o`tadigan oliy ta`lim muassasalari: O`zbekiston milliy universiteti — fizika, biologiya; Toshkent axborot-texnologiyalar universiteti — informatika va axborot texnologiyalari; Toshkent kimyo-texnologiya instituti — kimyo.

Ta`lim sohasida 5 yillik tajribaga ega bo`lgan PDP (Personal Development Process) kompaniyasi tomonidan “PDP University” nodavlat oliy ta`lim tashkilotiga asos solindi. “PDP University” to`laqonli IT sohasiga ixtisoslashgan oliy ta`lim muassasasi bo`lib, talabalarga 4 yil davomida xalqaro “Pearson BTEC” o`quv dasturi asosida barcha bilim va ko`nikmalar beriladi. Universitet 2022 yil 7 iyun kuni Vazirlar Mahkamasi huzuridagi Ta`lim sifatini nazorat qilish davlat inspeksiyasi tomonidan berilgan litsenziya asosida talabalarga IT sohasida oliy ta`lim berish huquqiga ega bo`ldi. Universitetda talabalar quyidagi 4 ta fakultetda ta`lim olishlari mumkin:- Dasturiy ta`minotni ishlab chiqish va dasturlash;- Ma`lumotlar tahlili;- Biznes tahlili va o`zgarishlarni boshqarish;- Sun`iy intellekt yechimlari va ilovalari